लागी गउवे निंदिया
रिसाई गईले ना हमरो पिया परदेशिया रिसाई गईले ना----
बहुत दिननवां पे पिया घरे अइले
दिनवां बितवले कइसों सांझि के बोलवले
ऐसन बवाल बाड़ी ससुई ननदिया
रिसाई गईले ना हमरो पिया परदेशिया रिसाई गईले ना---
अबहीं अघाई के ना कवनो भइलीं बतिया
रूसले मनवले में बीति गइल रतिया
केतनों डोलाईं हम रस-रस बेनिया
रिसाई गईले ना हमरो पिया परदेशिया रिसाई गईले ना---
कांची उमरिया में गवना ले अइले
बारी बा उमर अबहीं बाबूजी बतवले
होत भिनुसार दिन लेके अईले भईया
रिसाई गईले ना हमरो पिया परदेशिया रिसाई गईले ना---
डोलिया कंहरवा दुवरवे पे रहले
भईले निर्मोही बिना बोलले चलि गईले
कईसे बुझाई अपने हियवा के अगिया
रिसाई गईले ना हमरो पिया परदेशिया रिसाई गईले ना---
कोई टिप्पणी नहीं:
एक टिप्पणी भेजें