बांके नयन पर चढ़ल जोबन पर
बिजुरी बदनवां हो गईल
कइले बा बदनाम हमें कमबख्त जवानी हो गईल ,
जबसे लागल साल सोलहवां राह चलल दुश्वार भईल
दम-दम दमके चाँद सा मुखड़ा लोगन क बुरा हाल भईल
ना कवनों सिंगार ना मोतीयन के हार हुस्न गहनवां हो गईल
कइले बा बदनाम हमें कमबख्त जवानी हो गईल ,
महुआ ऐसन गदरल जवानी जियरा के जंजाल भईल
गाल गुलाबी नैन शराबी ओठ क लाली काल भईल
बलखाती कमर पे तिरछी नजर पे कातिल कजरवा हो गईल
कइले बा बदनाम हमें कमबख्त जवानी हो गईल ,
मुड़-मुड़ के देखें मोहे बटोही मतवारी जब चाल भईल
सीने से ढलके लाल दुपट्टा बाबा रे इ का हाल भईल
नागिन सी लट पे अदा के झटके लट्टू जहनवा हो गईल
कइले बा बदनाम हमें कमबख्त जवानी हो गईल ।
शैल सिंह
कोई टिप्पणी नहीं:
एक टिप्पणी भेजें