खांटी भोजपुरी में एक जुमला गीत

करा जनि गुमान एतना
सोना ,अन ,धन पाई के
केतनी   लरकल   रहेले
डरिया लदरल मुड़ियाई के ,

भरल  गगरिया   कबहूँ
ना  छलके   इतराई  के
अधजल गगरिया छलके
छल-छल  इठिलाई  के
वोहि जल गिरेला मद में
गुमानी अन्हरा बिछिलाई के
केतनी लरकल  ....| करा जनि  ....|

भरल    पत्तलवा    कबहूँ
ना   उड़ेला  उधियाई  के
खाली  पत्तरवा  सर-सर
उड़ेला    सुरियाई    के
गिरि पड़ि सरेला कवनों
गड़हा     मुरुझाई     के
केतनी लरकल  …। करा जनि  ....|

देखि-देखि हरियर बगिया
चल ताड़ू लुग्गा  झहराई के
ई ना दूसरा के  कामे आई
हम त कहिला फरियाई के
नै  के तनी  चला डगरिया
मति उतान सीना तानि के
केतनी लरकल  ....| करा जनि  ….|

नै --झुक कर
                     शैल सिंह